Die Skryfbesigheid

Ons toor nog steeds met woorde…

Breek weg!

KOM SKRYF ʼn STORIE BY DIE SEE

3-10 Julie 2015

This slideshow requires JavaScript.

PLEK

Natuurlik gaan ons weer vanjaar na Jubel’nJuig op Dwarskersbos aan die Weskus om daar ʼn karaktergedrewe storie te skryf. Daar gaan op ʼn verhaal gefokus word waar die verhaalgebeure uit karakterisering van die karakters ontstaan. Aan die einde van die kursus behoort die skrywer ʼn volledige novelle van ses hoofstukke of ses hoofstukke van ʼn roman voltooi te hê.

TOELATING

Enige persoon kan vir hierdie kursus inskryf. Geen voorafkennis, teoretiese studies of opleiding is vir hierdie kursus nodig nie. ’n Liefde vir skryf en die skep van ’n geloofwaardige fiktiewe wêreld is al wat nodig is.

Persone wat nog nooit ʼn skryfkursus gedoen het nie, moet ʼn basiese skryfkursus per e-pos doen of die beginnerskrywer kan ʼn volledige aanlynkursus doen. Die aanlynkursus sal teen ’n GROOT AFSLAG aangebied word mits daar vir die hierdie kursus bespreek en die volle deposito betaal word. (Kwotasie op aanvraag beskikbaar.)

Die basiese skryfkursus of volledige aanlynkursus MOET teen 30 Junie 2015 afgehandel wees.

Skrywers wat reeds skryfkursusse gedoen het, is baie welkom om ook die basiese beginnerskursus te doen as hulle voel dat ’n opknappingskursus nodig is. As ’n skrywer ’n kursus by ’n ander skryfskool gedoen het, moet bewys van hierdie kursus voorgelê word.

KURSUSINHOUD

Alle skryfkursusse wat Die Skryfbesigheid aanbied, fokus sterk op die praktiese skep van kreatiewe teks. Nogtans moet skrywers ook oor sekere teoretiese en literêre kennis beskik. Daarom word die volgende aspekte tydens die werkwinkel bespreek.

  1. Wat is die verskil tussen ʼn essay, skets, kortverhaal, novelle en roman?
  2. Wat is ’n verhaal?
  3. Hoe verskil ʼn karaktergedrewe verhaal van ʼn aksiegedrewe verhaal?
  4. Plot, spanning, konflik en handeling (Baie kortliks!)
  5. Karakterisering en hulpmiddele om karakterisering te ondersteun.
  6. Oriëntering van die leser.
  7. Versorging en uitleg van ’n teks.

Bogenoemde inhoud sal hoofsaaklik op Vrydag 3 Julie en Saterdag 4 Julie aangebied word. Tog sal daar daagliks tydens groepwerk na ander aspekte van letterkunde gekyk word.

Skrywers sal elke dag ʼn sekere aantal woorde moet skryf wat tydens groepwerk deur alle skrywers bespreek moet word. Tydens hierdie deel van die kursus gaan daar net geskryf word. Elke skrywer sal smiddae net voor aandete sy/haar hoofstuk van daardie dag inhandig. Daarna kry die ander skrywers die geleentheid om die nuwe hoofstukke te lees. Na middagete word daar in die groep terugvoer en wenke aan die skrywer gegee.

SKRYWERS WORD VERSOEK OM NIE MET STORIE-IDEES BY DIE KURSUS OP TE DAAG NIE OMDAT DIE ONTWIKKELING VAN STORIE-IDEES ʼn BELANGRIKE DEEL VAN DIE KURSUS VORM.

KOSTES

Kursus

Vanjaar word die kursusfooi en die fooi vir akkommodasie/etes geskei.

Die kursuskoste is:

  • Beginnerskrywers betaal R3 300. (Die voorafkursus per e-pos word hierby ingesluit.)
  • Gevorderde skrywers betaal R3 100 vir die totale kursus. (Persone wat die aanlynkursus teen 30 Junie 2015 voltooi het, kwalifiseer vir hierdie prys,)

Persone wat al voorheen by Die Skryfbesigheid kursus gedoen het, kry afslag op bogenoemde prys.

 Akkommodasie en etes

Skrywers is nie verplig om in te slaap nie, maar persone wat wil inslaap, kan by Jubel’nJuig bespreek teen R200 per nag vir persone wat bereid is om te deel. Enkelverblyf is teen R300 per nag op aanvraag beskikbaar.

Die volgende fooie is deur alle studente betaalbaar:

  • Noenmaal/middagete (tee, koffie, vars vrugte en verversings ingesluit): R120 per persoon.
  • Skoonmaakdienste, aankoop van hout en elektrisiteit: R250 per persoon

Aandetes is teen R50 per persoon per ete beskikbaar en moet vooraf bespreek word. Mariette Maartens van Jubel’nJuig sal vir elke student ʼn pasmaak kwotasie uitwerk.

 Vervoer van die lughawe

Persone wat per vliegtuig, bus of trein reis, word vriendelik versoek om reisreëlings so te tref dat hulle 2 Julie 2015 in Kaapstad arriveer. Vervoer sal daarvandaan beskikbaar wees. Kostes van Kaapstad na Dwarskersbos kan op hierdie wyse gedeel word. Terugreis na die lughawe sal op Dwarskersbos gefinaliseer word.

DEPOSITO

Gewoonlik vereis ons dat 50% van die kursusfooi as deposito betaal moet word, maar ons het dit goed gedink om skrywers die geleentheid te gee om dit in paaiemente van R500/R600/R700/R800/R1000 af te betaal solank die totale deposito teen 27 Junie 2015 betaal is. Die oorblywende fooi moet op die dag van registrasie (verkieslik) in kontant betaal word. Reëlings vir die afbetaling van die akkommodasie en etes moet direk met Jubel’nJuig getref word.

 Alle deposito’s (of fooie wat vooraf betaal is) word verbeur sou die skrywer nie vir die kursus opdaag nie of kop uittrek. Baie onkostes word voor die aanvang van die kursus aangegaan en kansellasiefooie moet daarom in alle gevalle betaal word.

BESPREKING

Bespreking is NOODSAAKLIK en dit moet voor of op 27 Junie 2015 om 23:00 plaasvind. Gaan asseblief so te werk om te bespreek:

  1. Stuur ’n e-pos, faks of sms aan Die Skryfbesigheid EN Jubel’nJuig waarin u ’n kwotasie aanvra.
  2. Meld in u e-pos, faks of sms:
    1. Noemnaam en van.
    2. U telefoonnommer en faksnommer/e-posadres.
    3. Watter kursusse u al bygewoon het.
  3. Wag vir u kwotasie.
  4. Betaal 50% van die kursusgeld en 50% van die verblyf en etes se geld, nadat u die skriftelike kwotasie en registrasiedokument ontvang het.
  5. Stuur bewys van betaling en die ingevulde registrasievorm aan Die Skryfbesigheid en Jubel’nJuig.

REGISTRASIE VIR DIE KURSUS

Die kursus begin Vrydag 3 Julie 2015 om 09:00

  1. Donderdag 2 Julie 2015 om 17:00 vir inwonende studente
  2. Vrydag 3 Julie 2015 om 08:30

BRING SAAM

  1. HIERDIE IS ’N VEREISTE, omdat ons die terugvoer elektronies gee en al die skryfwerk ook elektronies gedoen word. ’n Skootrekenaar en twee geheuestokkies.
  2. ’n Eksamenblok en ander skryfbehoeftes soos bv. potlode, penne ens.
  3. Koffie, tee, melk, suiker, beskuit of graankos om u deur die nag te sien of om die ergste honger soggens voor die kursus te stil.
  4. Warm baadjie, trui en ’n reënjas. (Ons maak elke dag vuur in die kaggel.)
  5. Kamera of selfoon met ’n goeie kamera.
  6. Chroniese medikasie.

BELANGRIK

Reis- en verblyfkostes na en van Dwarskersbos is die skrywer se eie verantwoordelikheid. Vrydagaand 3 Julie 2015 (wanneer die kursus begin) en Vrydagaand 10 Julie 2015 (wanneer die kursus afsluit) sal aandete in die Laaiplek Hotel of die Vishuis genuttig word. Die etes is vir die skrywer se rekening. Vrydagaand 3 Julie 2015 se ete is verpligtend omdat dit as ’n ken-mekaar-aand dien. Koeverte word daar uitgedeel.

NAVRAE

Skakel vir Mariette (in verband met verblyf en etes) en Trudy (in verband met die kursus). Hulle besonderhede volg hieronder. Of vul die elektroniese vorm in.

AKKOMMODASIE EN ETES: Jubel’nJuig

Mariette Maartens

Telefoon: 082 829 6372

Faks: 086 616 4710

Pikkewyn Close 4, Kersbosstrand, Dwarskersbos, 7365

KURSUS: Die Skryfbesigheid

Trudy Erasmus

Telefoon: 072 210 4385 of 082 349 0533

Faks: 086 618 5211

E-pos: skryfbesigheid@outlook.com

Advertisements

4 Kommentaar

  1. Ek kan hierdie kursus van harte aanbeveel. Ek het die voorreg gehad om reeds twee maal op Dwarskersbos te gaan skryf, en glo my, dit is ‘n ondervinding wat ’n mens vir altyd bybly. Ek voorsien nie dat ek vanjaar sal kan gaan nie, maar my beste wense vergesel elke kursusganger, en vir Trudy en Mariette, wat die leisels baie bekwaam hou.

    Like

    • Dankie, Amanda. Ons gaan jou beslis mis, maar ons verstaan dat omstandighede verander. Sterkte met alles wat jy aanpak.

      Like

Trackbacks

  1. WENKE OM SELF JOU KINDERSTORIE TE REDIGEER | Die Skryfbesigheid
  2. BEKENDE AFRIKAANSE SKRYWER PRAAT BY DWARSKERSBOS SKRYFKURSUS 3-10 JULIE 2015 | Die Skryfbesigheid

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

%d bloggers like this: