Die Skryfbesigheid

Ons toor nog steeds met woorde…

BEKENDE AFRIKAANSE SKRYWER PRAAT BY DWARSKERSBOS SKRYFKURSUS 3-10 JULIE 2015

front-picture-4-e1338811368558

Jubel’nJuig waar die kursus aangebied word

Die bekende Afrikaanse skrywer, Esta Steyn, gaan tydens die Dwarskersbos skryfkursus, 3-10 Julie 2015, as gasspreker optree en wel op Dinsdag 7 Julie. Sy is veral bekend vir die TV-reeks, Meeulanders en boeke soos Biegbrief, Het graft jubel, Die grafte jubel, Kinders van die Sabbatsee. Meeulanders is ook een van die voorgeskrewe werke waaroor graad 12-leerders nou eksamen geskryf het.

Hierdie kursus word deur Trudy Erasmus van Die Skryfbesigheid aangebied. Trudy het al ’n hele paar kortverhale in tydskrifte en saamgestelde bundels gepubliseer. Verskeie van haar studente kon na afloop van kursusse wat hulle by haar gedoen het, suksesvol publiseer.

Die goeie nuus is dat skrywers nog vir die kursus kan inskryf. Baie nuwelingskrywers verkeer onder die indruk dat verhale net op een manier aangepak kan word deur op gebeure, uiterlike konflik en handeling te fokus. Die kursus op Dwarskersbos gaan op die skryf van karaktergedrewe verhale konsentreer. Dit beteken dus karakterontwikkeling, karakterisering en alle vorme van konflik gaan die kern van hierdie verhale vorm.

Alhoewel hierdie kursus vir die meer gevorderde nuwelingskrywer bedoel is, kan enigiemand inskryf. Die meer onervare skrywer sal vooraf en tydens die kursus addisionele skryf-oefeninge doen wat hulle sal help om vinnig enige agterstande in te haal. ’n Liefde vir skryf en die skep van ’n geloofwaardige fiktiewe wêreld is al wat nodig is.

KURSUSINHOUD
Die skep van teks is vir die meer gevorderde kursusse van groot belang. Tog is dit nodig om sekere elemente van skryf teoreties met die skrywers te behandel. Daarom word onder andere die volgende aspekte tydens die werkwinkel bespreek.
• Hoe verskil ’n karaktergedrewe verhaal van ’n aksiegedrewe verhaal?
• Plot, spanning, konflik en handeling.
• Karakterisering en hulpmiddele om karakterisering te ondersteun.
• Oriëntering van die leser.
• Versorging en uitleg van ’n teks.

Skrywers word versoek om nie met storie-idees by die kursus op te daag nie omdat die uitbou van geloofwaardige karakters die boustene van die hierdie verhaal gaan wees. Na afloop van die kursus sal die skrywer óf ’n volledige novelle bestaande uit ses hoofstukke óf ses volledige hoofstukke hê.

Bespreking is NOODSAAKLIK en dit moet voor of op 27 Junie 2015 om 23:00 plaasvind. Stuur ’n e-pos aan Die Skryfbesigheid skryfbesigheid@outlook.com om te registreer. Vul andersins die elektroniese vorm op www.pnskryf.wordpress.com in.

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

%d bloggers like this: