Die Skryfbesigheid

Ons toor nog steeds met woorde…

Basiese skryfkursus 12 September 2015 op Witbank aangebied

Op Saterdag 12 September 2015 word ʼn basiese skryfkursus op Witbank aangebied.

Die kursus word deur Trudy Erasmus van Die Skryfbesigheid en Desirée Homann gefasiliteer. Trudy skryf kortverhale waarvan heel party in tydskrifte en saamgestelde bundels gepubliseer is. Desirée het ʼn meestersgraad in Kreatiewe Skryfkuns en vertaal Mills en Boons verhale na Afrikaans.

Die onderwerpe wat in die kursus behandel word, is:
• Basiese beginsels van skryf
• Skryfproses
• Redigering en taalversorging
• Elemente van die kortverhaal/roman/novelle

Na middagete word die skrywers in twee groepe verdeel waar hulle die geleentheid gaan kry om binne ʼn simpatieke, maar eerlike atmosfeer aan hul eie verhale te slyp. Daarom moet elke skrywer teen 31 Augustus 2015 ʼn verhaal van nie minder as 600 woorde en nie meer as 1500 woorde aan die organiseerders stuur.

Registrasie vind om 08:30 plaas en die kursus begin stiptelik om 09:00 en vind in die konsistorie van die NG Klipkerk plaas.

Die kursus kos R680,00 per persoon en sluit lesingmateriaal, verversings en middagete in. Met bespreking word 50% van die bedrag (R340,00) as deposito verlang. Die res van die bedrag kan in twee paaiemente betaal word en wel einde Julie en einde Augustus.

Bespreking en registrasie sluit om 31 Augustus 2015. Die verhale moet ook teen daardie datum ingehandig word.

Die fondse wat met hierdie kursus ingesamel word, word vir sending aangewend.

Navrae en bespreking
Isabel Swanepoel – 073 236 6511
Bets Gertzen – bets.gertzen@gmail.com

Bets Gertzen tydens die novellekursus

Bets Gertzen tydens die novellekursus

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

%d bloggers like this: