Die Skryfbesigheid

Ons toor nog steeds met woorde…

SKRYFKURSUS VIR BEGINNERS IN GAUTENG AANGEBIED

Wou jy nog altyd skryf, maar jy weet glad nie waar om te begin nie?

Goeie nuus! ʼn Skryfkursus vir beginners word in Pretoria aangebied.

Wanneer word die kursus aangebied?

13 Augustus 2016 –22 Oktober 2016.

Modules 1 – 3 word op 13, 20 en 27 Augustus 2016 aangebied. Studente bly dan vir die volgende vier weke tuis om van die opdragte uit te voer.

Modules 4 – 7 word op 1, 8, 15 en 22 Oktober 2016 aangebied.

Hoe lank duur die kursus?

Die kursus word oor sewe Saterdae aangebied word.

Is die skryfoefeninge na die kursus bruikbaar?

Skrywers kan verseker wees: Ten opsigte van skryfoefeninge word daar beslis ver buite die spreekwoordelike boks gedink. Verhale wat tydens en na aanleiding van hierdie oefeninge geskryf is, is al vir publikasie aanvaar.

Skrywers moet daarom liefs nie met ‘n gedagte of idee vir ‘n nuwe verhaal opdaag nie. Dit kan dalk net die pret bederf.

ALLE OPDRAGTE MOET GEDOEN WORD.

ou boeke 2Wie bied die kursus aan?

Trudy Erasmus – skrywer van gepubliseerde kortverhale
Marietjie Wentzel – redigeerder en manuskripontwikkelaar
Jan de Bruin – rekenaarkundige en skryfkompetisiebeoordelaar

Waar word die kursus aangebied?

Hierdie kursus word in Pretoria, Gauteng aangebied. Die adres sal aan geregistreerde studente bekend gemaak word.

Baie belangrik: nuut!

Die volgende reëlings beteken nie dat die kursus geaffilieer is nie, maar dit is die eerste proses wat gevolg word om die kursus te laat affilieer sodat die student ʼn erkende kwalifikasie kan behaal. Die skrywer sal beslis na die suksesvolle aflê van die kursus ʼn sertifikaat verdien wat as bewys kan dien dat die kursus suksesvol afgelê is.

Voorheen is sertifikate aan studente uitgedeel NADAT van die kursus voltooi is. Met ingang van 13 Julie 2016 verander hierdie reëling.

Om ʼn kursus suksesvol af te handel moet ʼn student ʼn gemiddeld van 50% vir die uitvoering van die opdragte kry.
o Dit beteken elke verhaal gaan gelees word en kommentaar sal op elke verhaal gegee word.
o Foute sal aangedui word, en voorstelle ten opsigte van verbetering sal aangebring word.
o Dan sal daar ook ʼn puntestaat aangeheg word. Die gemiddelde van al die verhale wat geskryf gaan word, gaan gebruik word om die persentasie te bepaal.

Die student moet ook ʼn toets aflê en vir die toets moet die student ook 50% kry.
o Die student mag van die lesings en ander hulpmiddele gebruik maak wanneer die toets afgelê word.
o Die doel van die toets is om te meet hoeveel van die teorie het die student onder die knie. Indien dit duidelik is dat die student met sekere aspekte sukkel, word opvolglesse (gratis) geskeduleer.

Die toets is verder ook ʼn maatstaf waarvolgens die instrukteur die geslaagdheid van die module/teorie bepaal sodat aanpassings gemaak kan word.

Ten einde sinvolle kommentaar te lewer en die nasien van die verhale behoorlik te kan doen, moet studente by teikendatums hou.

Inhoud

Die beginnerskursus en die aanlynkursus daarmee saam, is 2014 vernuwe. Op die oomblik word die materiaal hersien om die twee nuwe modules goed met res van die kursus te laat saamvloei. Die aantal modules het 2016 van vyf na sewe uitgebrei. Al vorm die bekende PNSkryfskool-kursus die basis van die nuwe beginnerskursus, is daar baie nuwe leerstof, opdragte en skryfoefeninge. Terugvoer, kommentaar en vrae van vorige studente het hierdie verandering genoodsaak.

AL die modules moet gedoen word en alle opdragte moet uitgevoer word.

Module 1: Inleiding tot die skryf van kortverhale

  • Prosa: Nie-fiksie en fiksie
  • Kortkuns
  • ʼn Kortverhaal is…
  • Hoe verskil ʼn kortverhaal, essay en skets van mekaar?
  • Novelle
  • Roman
  • Wat maak poësie anders?
  • Die onderskeidende kenmerke van poësie

Module 2: Ontwikkeling van ‘n goeie verhaal

  • Storie-fonteine
  • Die skryfproses
  • Elemente van ‘n verhaal
  • Intrige (Die bou van ‘n spannende storielyn).

Module 3: Ontwikkeling van geloofwaardige karakters

  • Karakters in ‘n verhaal: protagonis, antagonis, ondersteuningskarakters en bykarakters.
  • Konflik en spanning
  • Verskillende vertellers
  • Perspektief

Module 4: Skep van ‘n gepaste atmosfeer

  • Tyd
  • Plek
  • Atmosfeer
  • Wys teenoor vertel
  • Navorsing

Module 5: Ken die mark

  • Tema
  • Boodskap
  • Mark
    • Uitgewers
    • Tydskrifte
    • Aanlynpublikasies
    • Self-publikasie

Module 6: teksversorging, redigering en afronding

  • Gebruik taal as instrument reg
  • Tegniese versorging van ‘n manuskrip
  • Redigering
  • Verstaan en gebruik AL JOU INSTRUMENTE korrek
  • Hardkoppigheid kan jou skrywerskippie laat sink.

Module 7: kritiek

  • Hoe lewer ek kritiek?
  • Hoe hanteer ek kritiek?

typewriter-1209140__180Koste

Die kursus kos R 4 600 en vir die bedrag kry jy:

  • Kursusmateriaal
  • Lekker koffie, tee en sap deur die loop van die dag
  • ‘n Verversings soos ‘n kolwyntjie/botterbroodjie vir ontbyt
  • Lekker middagete
  • Laatmiddag-sonde (soos koek of tert)
  • Agt kortverhale en agt kort-kortverhale wat byna gereed is vir publikasie (met ander woorde sestien klaar verhale en baie idees vir nuwe verhale)
  • Nuwe vriendskappe

’n Deposito wat 50% (R2 300) van die totale bedrag is met registrasie betaalbaar. Die res is betaalbaar teen die einde van module 3.

Sluitingsdatum

Registrasies sluit stiptelik op 10 Augustus 2016. Laatkommers sal welkom wees mits:

  • Daar plek beskikbaar is.
  • Die skrywer met die aanvang van die kursus twee kortverhale kan inhandig.
  • ʼn Administrasiefooi van R350 vir laatregistrasie betaal.

Kansellasiefooi

Aangesien daar vooraf baie onkostes aangegaan word, moet ʼn kansellasiefooi gehef word.

Die deposito word verbeur sou ‘n skrywer nie vir die kursus opdaag nie. Die volle kursusfooi is betaalbaar as die student wel sekere modules doen en dan kop uittrek.

Geen fooie is terugbetaalbaar in hierdie gevalle nie.

Registrasie

Om te registreer moet die skrywer ʼn kwotasie aanvra deur die elektroniese vorm hieronder in te vul. Die kwotasie moet skriftelik aanvaar word. ’n Registrasievorm en die onderneming moet voltooi word. Sodra die deposito betaal is, is die skrywer geregistreer en sal die skrywer die eerste opdragte ontvang wat vooraf voltooi moet word.

Navrae

Trudy Erasmus
e-pos: skryfbesigheid@outlook.com
SMS & WhatsApp: 072 210 4385

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

%d bloggers like this: